Mae gan y tîm sy'n gyfrifol am y rhaglen addysg, cymuned a chynulleidfa boblogaidd yn y New Theatre a'n partneriaid yn Neuadd Dewi Sant enw a delwedd newydd bellach - A2: Actifyddion Artistig.

Ymgysylltu â'r byd addysg, y gymuned a'r gynulleidfa

Drwy gael ein hysbrydoli gan raglenni amrywiol Neuadd Dewi Sant a'r New Theatre a'u defnyddio fel sbardun grymus ar gyfer ymdrechion creadigol, rydym yn ceisio annog pobl o bob oed i gymryd rhan a mwynhau gweithgarwch celfyddydol.

Clwb theatr am ddim i bobl ifanc 16 - 25 oed, sy'n rhoi cyfle iddynt weld dramâu gwych am brisiau anhygoel o rad.

I ymuno â re-act logo, llenwch wich manylion, datgysylltwch y slip a' i rhoi mewn blwch post. Byddwn yn cysyltu â chi yn fuana, pheidiwn â phoeni, ni fyddwn yn defnyddio'r wybodaeth i werthu ty haf i chi yn Scarborough neu eich ymrwymo i wasanaeth milwrol yn Aberdeen. Y cyfan wnawn fydd rhoi cyfle i chi fanteisioar gynigion da i chi.

Felly ewch i chwilio am feiro.

Romeo & Juliet

Sesiwn holi ag ateb gyda’r Cyfarwyddwr

Nos Iau 16 Hydref 6.30pm – Bar y Cylch Uchaf
Cyfle i holi’r cyfarwyddwr Michael Bogdanov ynglyn â’r cynhyrchiad hwn o Romeo & Juliet.
Am ddim i bawb â thocyn i berfformiad y noson.

I Ysgolion

Romeo & Juliet

Bydd fersiwn newydd cyffrous Cwmni Theatr Cymru o’r ddrama hon yn gaddo gwledd o gynhyrchiad i fyfyrwyr Saesneg a Drama. Mae pecyn adnoddau am ddim ar gael i bartïon ysgol sy’n dod i weld y sioe trwy ffonio Jo ar 029 2087 8573. Gweithdy’r Llwyfan – ar gael i bartïon ysgolion sydd â thocynnau i weld perfformiad prynhawn Iau, 16 Hydref 12.15pm – 1.30pm £100 ar gyfer grŵp o hyd at 30, a £3 y pen am bob myfyriwr ychwanegol.

Dyma gyfle gwych i ddisgyblion sy’n astudio Romeo & Juliet yng Nghyfnodau Allweddol 2 a 3 i drafod y ddrama a pha mor berthnasol yw hi heddiw. Bydd aelodau’r cast yn annog y myfyrwyr i ystyried golygfeydd o’r ddrama o safbwyntiau gwahanol, fel mae actor yn ei wneud yn yr ymarferiadau ac wrth chwarae rhan.

production:

Ym mis Rhagfyr 2007, bu tîm Actifyddion Artistig yn cydweithio â disgyblion blwyddyn 7 Coleg Cymunedol Llanfihangel i gyflwyno cynhyrchiad fel rhan o brosiect Theatre Quest. Sefydlwyd prosiect production yn sgil llwyddiant y prosiect hwnnw.

production – Hydref 2008
Mae Actifyddion Artistig wed cael gwahoddiad i gynnal prosiect production gyda phedair ysgol iau a chynradd yn Llanedern. Bydd y disgyblion yn gyfrifol am bob elfen o’u perfformiadau, gan gychwyn yn eu hysgolion unigol cyn dod ynghyd mewn perfformiad mawr yn Ysgol Uwchradd Llanedern. Yn ogystal â chyfuno cerddoriaeth, drama a chynllunio, mae’r prosiect arbennig hwn yn meithrin cysylltiadau sy’n helpu’r disgyblion i bontio o’r ysgol gynradd i’r ysgol uwchradd.

Prosiect animeiddio Aladdin

Bydd dramodydd / storïwr, cerddor a chriw o artistiaid o’r cwmni animeiddio llwyddiannus Cinetig yn cydweithio â 3 o ysgolion cynradd y brifddinas i ddehongli stori Aladdin eu hunain trwy gyfrwng geiriau, cerddoriaeth a chartŵn. Dyma’r pedwerydd tro i Actifyddion Artistig a Cinetig gynhyrchu ffilmiau byrion ar y cyd. I weld ffrwyth eu gwaith, dewch i’r New Theatre yn ystod tymor pantomeim Aladdin (13 Rhagfyr – 24 Ionawr).

Profiad Gwaith

Mae nifer cyfyngedig o leoliadau profiad gwaith ar gael i ddisgyblion 15 oed ac uwch yn naill ai'r New Theatre neu Neuadd Dewi Sant. Rydym yn dewis a dethol trwy broses ffurflen gais a chyfweliad. Dyddiad cau am ffurfleni gais Gwanwyn 2009 iw Rhagfyr 1af 2008.

Dadlwythwch ffurflen gais (agor mewn ffenestr newydd) neu ffoniwch ni am fwy o fanylion.

Future Dance Cardiff

Rhaglen hyfforddiant dawns greadigol a chyfleoedd perfformio dan ofal Actifyddion Artistig ar y cyd â Diversions.

Associates

Pob tymor

Dosbarth techneg dawns wythnosol i bobl ifanc 14-19 oed sydd eisiau mynd ymlaen i gael hyfforddiant dawns proffesiynol. Mae’r cwrs yn costio £8 yr wythnos, a chynigir lleoedd trwy ragbrofion.

Mae'r dyddiad cau am gyrsiau eleni wedi darfod. Cadwch olwg ar yr safle yma am ddyddiadau 2009.

Mae Actifyddion Artistig yn anfon gwybodaeth yn rheolaidd i ysgolion drwy'r post, felly os ydych chi'n athro sydd am gael gwybod mwy, cysylltwch â ni!

A2:Arts Active | 029 2087 8570 | neu e-bost artsactive@cardiff.gov.uk | Anfonwch ffacs i 029 2087 8550

Neu ysgrifennwch at Actifyddion Artistig Neuadd Dewi Sant, Yr Aes, Caerdydd CF10 1SH