Gwasanaethau ar gyfer Pobl Anabl

Mae'r New Theatre yn croesawu pawb ac mae ganddi amrywiaeth eang o wasanaethau i wneud yn siwr eich bod yn gallu mwynhau ymweliad cysurus. Dywedwch am eich anghenion pan fyddwch yn archebu tocynnau a pheidiwch â phetruso gofyn i'r Rheolwr ar Ddyletswydd os oes angen rhywbeth arnoch pan fyddwch yn cyrraedd.

Hefyd, os ydych yn anabl gellwch chi ac un cymar gael gostyngiad ar gyfer y rhan fwyaf o'r sioeau. Mae lleoedd parcio ar gyfer yr anabl y tu all i Westy'r Parc a lle i ollwng pobl yn Heol y Brodyr Llwydion, lle mae mynedfa wastad i'r theatr.

Perfformiadau gyda Chymorth

Perfformiadau wedi'u dehongli yn
laith Arwyddion Prydain

Iau 13 Tachwedd 7.30pm
Evita

Iau 15 Ionawr 7.00pm
Sul 18 Ionawr 1.00pm
Mawrth 20 Ionawr 1.30pm
Aladdin

Sadwrn 4 Ebrill 5.00pm
Buddy

Perfformiadau gyda disgrifiad
clywedol

Iau 20 Tachwedd 7.30pm
Evita

Iau 22 Ionawr 7.00pm
Sadwrn 24 Ionawr 2.30pm
Aladdin

Sadwrn 21 Chefror 2.00pm
The Jungle Book

Sadwrn 28 Mawrth 2.30pm
Singin' in the Rain

Ar gyfer perfformiadau penodol sy'n cael eu dehongli neu'u disgrifio mae'r un pris cyffredin ar gyfer sedd unrhyw le yn y theatr i'r rhai sydd wedi'u cofrestru'n anabl sydd angen y gwasanaeth yma, ac un cymar yr un. Mae'r pris hwn bob amser yr un faint â'r pris sy'n cael ei hysbysebu ar gyfer y Cylch Uchaf. Cynigir y gostyngiadau arferol ar gyfer perfformiadau eraill fel sydd i'w weld yn y panel prisiau ar gyfer pob sioe.

Lawrlwytho llyfryn y tymor

Cliciwch yma i lawrlytho copi Print Bras o Lyfryn y Tymor mewn fformat pdf (Seasneg yn unig).

Sylwch y bydd angen cyswllt Adobe Acrobat Reader er mwyn gweld y llyfrn. Am gopi am ddim o Adobe Acrobat Reader, cliciwch yma (agor mewn ffenestr newydd).

Ar gyfer defnyddwyr cadair olwyn

  • Mae mynedfa wastad ar gyfer defnyddwyr cadair olwyn i'r Swyddfa Docynnau, toiled i'r anabl a lle i gadeiriau olwyn wrth ochr sedd cymar yn Rhes V y Llawr Gwaelod. Mae'r seddau hyn ar gael am bris isel bob amser.
  • Mae un neu ddau o leoedd yn nhu blaen seddau'r llawr gwaelod hefyd i rai sy'n gallu symud heb gymorth i'r gadair risiau pe bai angen gwagio'r theatr mewn argyfwng. Mae'r lleoedd hyn ond yn addas i bobl â chadeiriau olwyn gwthio. Os ydych chi wedi archebu'r seddi hyn, ac yn defnyddio cadair olwyn electronig, gallwn gyflenwi cadair olwyn wthio i chi. Siaradwch gyda staff y Swyddfa Docynnau am hyn.
  • Gellir archebu tocynnau dros y ffacs hefyd trwy ffacsio Caerdydd 029 2087 8879.
  • Os ydych yn defnyddio cadair olwyn a'ch bod am eistedd mewn sedd gyffredin, cysylltwch ag Adran Blaen y Tŷ flaen llaw trwy ffonio (029) 2087 8790 neu e-bostio ntmailings@cardiff.gov.uk Ymddiheurwn na fydd hyn bob amser yn bosib oherwydd y galw am docynnau a rhesymau diogelwch.

Ar gyfer pobl â nam ar eu clyw

  • Rydyn ni wedi gosod system sain is-goch yn yr awditoriwm i'ch helpu i glywed perfformiadau'n well. I ddefnyddio'r gwasanaeth hwn, mae angen ffôn clust ysgafn arnoch - gallwch fenthyca offer am ddim o swyddfa Rheolwr Blaen y Tŷ ym mar y llawr gwaelod. Gallwch eistedd yn unrhyw le i fwynhau'r gwasanaeth hwn. (Nid yw'r system cylchwifren bellach ar waith i rai â theclyn cymorth clyw).
  • Mae nifer o berfformiadau yn cael eu dehongli yn Iaith Arwyddion Prydain.
  • Siaradwch â'r Swyddfa Docynnau gan ddefnyddio ffôn testun MINICOM - Caerdydd 029 2087 8881.

Ar gyfer pobl â nam ar eu golwg

  • Rydyn ni hefyd yn cynnig disgrifiadau clywedol byw o rai sioeau, trwy gyfrwng system sain is-goch a ffonau clust bach.
  • Mae rhaglenni mewn print bras ar gael os gofynnir amdanynt ar gyfer y rhan fwyaf o'r sioeau. Croesewir cwn tywys ym mhob rhan o'r New Theatre a gellir darparu ar eu cyfer.
  • I gael gwybod am ddigwyddiadau penodol a gwybodaeth gyffredinol am ein cyfleusterau anfonwch eich enw a'ch cyfeiriad i'r Adran Farchnata a byddwn yn ychwanegu'ch enw at ein rhestr bostio.
  • Mae'r llyfryn hwn a gwybodaeth arall ar gael yn rhad ac am ddim mewn print bras, mewn braille, ac ar gasét sain. Gellir cael copïau oddi wrth y Swyddfa Docynnau neu gellwch gysylltu â'r Adran Farchnata trwy ffonio Caerdydd 029 2087 8887.